Оқу ордамызда, міне, 22 жыл қатарынан дене шынықтыру факультетінің ұйымдастырумен гимнастикалық шоу болып өтті. Осы жылы бұл шара Қазақстан Республикасының Тәуелсіздігі күніне арналып отыр. Жарысқа түрлі факультеттерден 5 команда қатысты.
Ең бірінші айналымда әр команда бір гимнастикалық көрініс көрсетіп, көрермендерді тан қалдыруға тырысып бақты. Екінші айналым жылдамдықты талап етті. Бұл айналымда қай команда шапшаң болса, сол команданың ұпай саны мен жеңіске жету мүмкіндігі арта түсті. Үшінші айналым ең жауапты сайыстардың бірі болды. Бірнеше тосқауылдардан өтіп, эстафеталық түрде мәреге жету көзделді. Төртінші айналымда әр команда капитандарының қайраты мен шыдамдылығы тексерілген болатын. Ең соңғы, әрі шешуші сайыс бесінші тур болды. Бұл айналымда барлық командалар жеңіске жету үшін бар күш жігерін салды. Гимнастикалық шоу көрермендерге көтеріңкі көңіл күй сыйлады. Барлық жиналғандар өнерпаздардың кәсіптік шеберліктеріне таң қалып, бір сергіп қайтты. Кеш соңында 1 орынды дене шынықтыру факультеті мен инженерлік техникалық факультеті иемденді.
