СҚМУ оқытушыларының шет елдердегі сынақ істері

Жоғары оқу орнымыздың 12 оқытушысы осы жылы сынақ істерден шет елдерде өтті. Олар Білім жәе ғылым министрлігінің "Өрлеу" біліктілікті арттыру ұлттық орталығының бағдарламасы бойынша Германия, Испания, Португалия, Ұлыбритания елдерінің ірі университеттерінде болып келді. Сапарларының нәтижелері жайлы педагогтер СҚМУ басшылығы мен өз әріптестеріне оқу-әдістемелік кеңесінің отырысында баяндады.

Басқа елдердің жоғары оқу орындарының жұмыстарымен танысу, жаңа меңгерілген білім және тәжірибемен алмасу біздің оқу ордамыздың білім беру үдерісін өркендетеді деп атап өтті сынақ ісіне қатысушылар.