ИТФ «Құрылыс» мамандығы түлектерінің ғылыми жұмыстары 28-30 қарашада Түркияның Стамбұл қаласында өткен Еуразияның сәулет-құрылыс және дизайнерлер мектебінің халықаралық фестивалінде «Ғимараттар мен имараттарды есептеу және жобалау» номинациясы бойынша екінші және үшінші орындарды иеленді. Оған әлемнің 17 елінің жоғары оқу орындарының өкілдері, оның ішінде Қазақстанның 5 жоғары оқу орындарының өкілдері қатысты.
Бәйгеде жүлделі орын алған барлық жұмыстар бүгінгі таңда шет елдерде магистратурада оқуларын жалғастырып жатқан құрылыс және дизайн кафедрасының түлектеріне (Дарья Қошқарова (2 орын, ғылыми жетекшісі – Р.Имамбаева) және Алина Алевтинова, Татьяна Григорьева (3 орын, ғылыми жетекшісі – Н.Полищук)) тиесілі. Бұл біздің оқу ордамыздың тәжірибесіндегі бірінші халықаралық фестивальге қатысу, алайда, кафедра студенттері жыл сайын республикалық олимпиадалар мен бәйгелерге қатысуда және жүлделі орындарды иеленуде.
Сондай-ақ, атап кететін жайт, осы фестивальде ИТФ «Дизайн» мамандығының студенттерінің ғылыми жұмыстары ұсынылды. Барлық қатысушылар тиісті сертификаттармен, жеңімпаздар дипломдармен марапатталды.
Алда Италияда өтетін келесі фестивальге дайындық күтіп тұр. Біздің оқу ордамыз тағы да үздік үштіктің қатарынан көрінеді деп үміттенеміз!
