2013 жылы желтоқсанның 26 жұлдызында "Деректер қорымен жұмыс (ISI Web of Knowledge, Scopus және т.б.). Нөлдік емес импакт-факторлы рейтингілік журналда мақалаларды жариялаудың жалпы мәселелері" семинары өткізілді.
Бүгінгі таңда ғалым өзі және ғылыми зерттеулері жайлы жария ету үшін олардың нәтижелерін нөлдік емес импакт-факторлы ғылыми журналдарда жариялауы қажет. Импакт-фактор - ғылыми журналдың маңыздылығының сандық көрсеткіші. Дүниежүзілік деңгейде журналдардың импакт-факторын есептеумен Томсон Рейтерс (Thomson Reuters) америкалық компаниясы айналысады. Томсон Рейтерстың деректер қорында бүкіл әлемге танымал беделді басылымдар тіркелген.
Мұндай басылымдарға материалдарды орналастыру тәжірибесімен семинарда экономика факультетінің деканы, э.ғ.к., доцент Дінмұхамед Шайкин бөлісті. Қажетті журналдарды іздеуге, ағылшын тілін білуге байланысты мәселелер, сондай-ақ, мақалаларды беделді басылымдарға беру механизмі қарастырылды.
Біздің оқу орнымызда 2013 жылда барлығы 45-тен астам мақала ғылыми журналдарда импакт-фактормен орналастырылды (Ресей, АҚШ).
