Оқу орнында Жолдау аясындағы ЖОО-ның міндеттері белгіленген болатын. Осыған орай өткізілген ғылыми-теориялық конференцияға білім ошағының ғылыми әлеуеті мен студент жастар жиылды. Жиынды оқу орны ректоры Оңдасын Әшімов ашып, Елбасы Жолдауының басым бағыттары мен осыған орай университетте атқарылып жатқан нақты жұмыстарға тоқталды. Солардың бірі – оқу орнының жанынан ғылыми-технологиялық саябақтың құрылуы. Оның негізгі бағыттары – жаңа биотехнологиялық өнімдер шығару, жаңа компьютерлік құралдар мен жүйелер жасау, су ресурстарын зерттеу.
Конференцияның жұмысына ҚР Парламенті Сенатының депутаты Анатолий Башмаков пен облыс әкімінің орынбасары Фархад Қуанғанов қатысты.
Конференцияда оқу орнының ғалымдар қауымы өз ғылыми жұмыстары жайында баян етті. Бүгінгі күні университет зерттеулік бағытты алға қойған. Оқу орны ғалымдарының 60 пайызы жас ғалымдар.
Студенттер қауымы болса, шәкіртақының көтерілуіне қуанып, Елбасы сөзін көкейлеріне түйген.