Филология ғылымдарының кандидаты, профессор, абайтанушы, абылайтанушы Зарқын Тайшыбайдың «Сыр сандығым - Қызылжар» атты кітабының тұсаукесері болып өтті.
Бұл Зарқын Сыздықұлының өңір тарихынан мағлұмат беретін алғашқы туындысы емес. Бұған дейінгі уақыттарда зерттеу кітаптары мен монографияларының авторы екендігін айта кеткендігіміз жөн.
Солтүстік аймақтардағы ұлт-азаттық күрес, 1917 жылғы Қазан төңкерісінен кейінгі жағдай, өлке тарихының нақты деректерін Зарқын Сыздықұлының кітабынан кездестіруге болады. Кітаптың тұсаукесеріне көрермен өз пікірлерін білдірді.
Аталмыш шараға СҚО тілдерді дамыту басқармасы, «Асыл мұра» орталығының қызметкерлері, сонымен қатар Тіл және әдебиет институтының оқытушылары мен студенттері атсалысты. Келген қонақтардың әрқайсысы жаңа туындыға оң бағаларын берді. 2000 жылдан бастап жазыла бастаған кітап жиналған қауымның көңілінен шықты.