Университетімізде Тіл және әдебиет институтының ұйымдастыруымен «Қазақстан жолы-2050». Мәңгілік ел» тақырыбында ғылыми-тәжірибелік конференция өтті. Шараның басты мақсаты Елбасының Қазақстан халқына осы жылғы жолдауын насихаттау. Конференция жұмысы үш тілде жүргізілді.
«Мәңгілік ел» ұлттық идеясы Елбасымыздың Қазақстан жұртшылығын бірлікке, ауызбіршілікке шақыратын ұлы мұраты. Барша халық, оның ішінде жастар жағы бұл бастаманы ерекше қолдауда.
Тіл және әдебиет институтында қазақ, орыс, ағылшын және неміс тілдерінде мамандар даярланады. Студенттер әр түрлі бағдарламалар бойынша шет елдерде білімдерін толықтырады. Яғни осы заманға сай бәсекеге қабілетті маман болып шығуға барлық жағдай жасалған.
Конференциада көптілді тұлғаның қалыптасуы, «Мәңгілік ел» ұлттық идеясы жайлы баяндамалар оқылды.
