Оқу орнымызға ҚР-дағы Канада елінің Төтенше және Өкілетті елшісі Стивен Миллар келіп, студенттермен кездесті.
Құрметті қонақ жастарға Канада туралы қысқаша ақпарат беріп, көпмәдениеттілік тәжірибесі жайында дәріс оқып берді. «Канада мен Қазақстанның ұқсастықтары көп. Бізде де көптілділік және көпмәдениеттілік саясаты жүргізіліп келеді. Бұл әдіс демократиялық қоғамды дамытуда аса тиімді», деді Стивен Миллар. Дәрістен кейін студенттер құрметті мейманға сұрақтар қойып жатты. Жастар Канада елі жайында, ондағы екітілділік, іс жүргізу, студенттік бағдарламалар мәселелері жайында сұрастырды.
Кездесуге Солтүстік Қазақстан облысы әкімінің орынбасары Қайрат Бекенов қатысып, жастарды шет елдерден үйреніп, бәсекеге қабілетті болуға шақырды. Сонымен қатар қазіргі уақытта өзекті болып келетін мәселе ақша құнсыздануының мән-жайын түсіндіріп берді.
Кездесу соңында университет басшылығы шет елдік қонақтың дәрісі үшін алғысын білдірді.
Жанар Омарова,
«Парасат»