Тіл және әдебиет институтының ұйымдастыруымен «Бір ел - бір кітап» акциясы төңірегінде Сайын Мұратбековтың «Жусан иісі» атты шығармасына арналған дөңгелек үстел өтті. Дөңгелек үстелге әр факультет студенттері мен оқытушылары қатысты.
Шараның мақсаты - жастарды мейірімділікке, отансүйгіштікке, қайырымдылыққа, кез-келген өмірдің ауыр сәттеріне төтеп беруге үйрету. Сонымен қатар Сайын Мұратбеков сынды қазақ жазушыларының шығармаларын оқуға насихаттау.
Дөңгелек үстелге қатысушылар Сайын Мұратбековтың «Жусан иісі» атты шығармасымен кең көлемде танысып, студенттер шығармадан үзінділер оқыды.
Жиында студенттер аталмыш шығарманы оқыған кезіндегі әсерлерімен бөлісіп, бір мезетке сол ауыр жылдарды көз алдарына елестеткендей болды. Дөңгелек үстелге қатысушылар өздеріне қажетті жаңа мағлұматтар алып, көркем әдебиетке деген қызығушылықтары арта түсті.