Осы аптада университетімізге ҚР вице-премьері Гүлшара Абдықалықова, ҚР білім және ғылым министрі Аслан Сәрінжіпов, облыс әкімі Самат Ескендіров іс-сапармен келді.
Қонақтарды СҚМУ ректоры Оңдасын Әшімов қарсы алды. Сапар басында олар университеттің басты ғимаратымен танысты. Кейін оларға ЖОО ақпараттық жүйесінің , яғни, оқу порталы мен электронды ректораттың, презентациясы ұсынылды.
Экскурсия университет (бұрын Педагогикалық институт) тарихына, ЖОО, факультеттердің жетістіктеріне, Манаш Қозыбаевтың өмірі мен қызметіне арналған 3 мыңға жуық көрме қойылымы, сондай-ақ, археология және этнография бойынша материалдар жиналған СҚМУ кешенді мұражайында жалғасын тапты.
Сапардың келесі пункті обсерватория және планетарий бар астрофизикалық зерттеулер орталығы болды. Бұл жерде қонақтар жұлдыздарды ғылыми түрде бақылауға мүмкіндік беретін Қазақстандағы көлемі бойынша екінші телескопты көре алды. Бүгінде орталықта күміс бұлттарды, қысқа мерзімді ай денелерін зерттеуге бағытталған, Білім және ғылым министрлігінің гранты бойынша астрофизикалық зерттеулер, сондай-ақ, жерді қашықтықтан байқап көру жұмыстары жүргізілуде.
Гүлшара Абдықалықова мен Аслан Сәрінжіпов көрген объектілері мен жалпы М. Қозыбаев атындағы СҚМУ студенттер қалашығына разы болды.
