Таяуда СҚМУ студенттері мен магистранттары Астана қаласындағы «Халықаралық бағдарламар орталығы» АҚ өкілдерімен кездесті. Мамандар ҚР Президентінің «Болашақ» шәкіртақысы жайында мағлұматтар беру мақсатымен келді.
Мамандар еліміздің шеткей аймақтары мен кіші қалалардың шетелдік оқу бағдарламалары жайында ақпарат беру мақсатымен келді. Биыл «Болашақ» бағдарламасының кейбір өзгерістері болып жатыр. Оның бірі тілдік емтиханның талаптарының күшейтілуі. Тағы бір өзгеріс биыл «Болашақ» шәкіртақысына үміткерлердің қатарына екі санат қосылды. Бұл шығармашылық және мәдениет қызметкерлері мен бұқаралық ақпарат құралдары өкілдеріне арналған бағдарламалар.
Өткен жылы 20 жылдығын атап өткен болашақ бағдарламасы жылдан жылға дамып келеді. Ал 2012 жылдан шет елдік тағылымдамаларға шығу мүмкіндігі пайда болды.
Осы жылы құжаттардың қабылдау мерзімі 3 наурыздан 31 қазанға дейін жалғасады. Тағы бір жаңалық – құжаттарды электрондық үкімет порталы мен халыққа қызмет көрсету орталықтары арқылы тапсыру мүмкін болып отыр.
Студенттер мен магистранттар «Халықаралық бағдарламалар орталығы» АҚ қызметкерлеріне өздерін қызықтырған сауалдарын қойып, жан жақты жауаптарын алды.