Жалпы биология кафедрасының ұйымдастыруымен «Жоғары оқу орында және мектепте биологияны оқытудың өзекті мәселелері» атты ғылыми-тәжірибелік конференциясы өтті. Конференцияның мақсаты - биология пәнінің білікті мамандарымен тәжірибе алмасу, студенттерге, яғни болашақ маман иелеріне жол сілтеу.
Конференцияға қатысушылар өз баяндамаларын оқыды. Мысалы, жалпы биология кафедрасының аға оқытушысы Сәуле Базарбаева «Жоғарғы оқу орнында биологиялық пәндерді оқытудың ерекшеліктері» атты баяндамасын жұртшылыққа таныстырды.
Аталмыш конференцияға университет оқытушыларымен қатар, Есіл, Аққайың, Шал ақын, Мамлют, Жамбыл аудандарының орта мектеп мұғалімдері және қалалық мектептердің ұстаздары да қатысты.
Дөңгелек үстелге қатысқан университет студенттері, болашақ биология пәнінің оқытушылары, өздеріне қажетті мол жаңа мағлұматтар алып, өз білімдерін одан әрі толықтырып қайтты.