Сазды-педагогикалық факультетінің «Педагогика» кафедрасының ұйымдастыруымен «Педагогикалық айтыс -2014» атты университеттік студенттер олимпиадасы болып өтті. 3 кезеңнен тұратын бұл олимпиадаға оқу ордамыздың әр факультетінен 200-ден астам студент қатысты.
Бұл олимпиада жыл сайын университетімізде студенттер арасында өткізілетін педагогикалық олимпиада. Биылғы жылы педагогика пәніне өзін-өзі тану пәнінің сұрақтарын біріктіріп өткізілуде. Студенттеріміз олимпиадаға белсенді түрде атсалысуда.
«Мәңгілік ел» деп аталған олимпиаданың үшінші кезеңінде студенттер теледидарлық ток-шоу түрінде пікір-талас ұйымдастырды. Жарыстың соңғы кезеңіне студенттер Елбасының алға қойған «Мәңгілік ел» ұлттық идеясын қарастырды. Олимпиада қорытындысы бойыншы жүлдегерлер анықталып, сертификаттар және дипломдар тапсырылды. Олимпиада нәтижесінде бірінші орынға Екатерина Старостина, екінші орынға Айымгүл Қадырменова, үшінші орынға Айгерім Габдулина ие болды.
Сонымен қатар «Педагогикалық креатив», «Инновациялық ойлау», «Заман ағымында» атты аталымдар бойынша студенттер ерекше атап өтілді.