Қазақ поэзиясында қанша дара тұлға болғанымен Игібай Әлібаевтың алар орны ерекше. Өзінің бар ғұмырын поэзияға арнаған халық ақыны, әдебиет әлемінде мәңгі сақталып қала білді. Ақындық пен әншілікті қатар ұстаған өнерпаз, жазушылық жолда да мол еңбектер қалдырды. Бүгінге жеткен еңбектерінен өмірге қажет мәліметтер алуға болады. Жерлес ақынның мұрасын жастарға насихаттап, таныстыру мақсатында университетімізде қазақ филологиясы кафедрасының ұйымдастыруымен ақынның 110 жылдығына байланысты шығармашылық кеш болып өтті. Жиын барысында Игібай Әлібаевтың жүріп өткен жолы мен ақынның еңбектері жастарға таныстырылды.
Шығармашылық кешке ақынның туысы Шаншар Жакеев қатысып, өз естеліктерімен бөлісті. Ақынның өлеңдері тереңдік пен аса бір сыршылдықпен жазылған. Әр жазылған туындыдан жаңа бір ой түйесің. Шараға қатысқан студенттер ақынның шығармашылығынан өлеңдер оқып, әндер шырқады.
Игібай Әлібаевтың шығармашылығы жастармен тығыз байланысты. Ақынның «Айтуар» атты кітабынан туған жер, махаббат тақырыбындағы өлендерді кездестіруге болады. Ақынның шығармалары мен өлеңдері бойымызға ерекше сезім қалдырғандай. Халық ақынының мол мұрасын ұмыт қылмай, әрі қарай жалғастырытын жастар арамызда жетерлік.