КВН - жастар арасында қазіргі кезде дамып, өркендеп келе жатқан ойындардын бірі. Осыны М.Қозыбаев атындағы СҚМУ-дың студенттері тағы бір мәрте дәлелдеді. Жақында оқу орнында университет лигасының ақтық ойыны өтті. Онда ең мықты «Сен тұр, мен атайын» деген командалар, атап айтсақ, «Мәссаған», «Бәйтерек», «АТФ ұландары» атты командалар өз өнерлерін ортаға салды.
Бірінші болып ойынды бастаған «Мәссаған» командасы халықты қыран-топан күлкіге бөледі. Аты қандай керемет болса, өздері де сондай керемет. Әрбір әзілдері ұтымды шықты.
«Бәйтерек» командасының ойындары әдеттегідей әдемі бимен басталды. Билері де, әзілдері де, өздері де ерекше ойын көрсетті. Себебі, бұл команданың алған асулары мол. Түрлі мектепаралық, облыстық, республикалық лигалардың жүлдегерлері. Биыл команданың құрылғанына 5 жыл толып отыр.
Келесі болып сахнаға «АТФ ұландары» командасы шықты. Бұл команда да көрерменнің көңілінен шықты.
Ойын қорытындысы бойынша, 1 орынды «Мәссаған» командасы жеңіп алды. «Бәйтерек» командасы 2 орыннан көрінді, ал «АТФ ұландары» командасы 3 орынды қанағат тұтты. Және де қазылар алқасының шешімімен «Мәссаған» командасының капитаны Өмірбек Қайыр «Мистер КВН» атағына лайық деп танылды.
