М.Қозыбаев атындағы СҚМУ-да 22 ақпан күні «Менің болашақ мамандығым» атты аймақтық практикалық конференция өтті, онда СҚО құқық қорғау органдары мен қала тұрғындарына қызмет көрсету орталығы қызметкерлері Тарих және құқық факультеті студенттерін жұмысқа орналасу заңнамасының жаңа ережелерімен таныстырып өтті.
Конференция жұмысын факультет деканы С. Ысмағұлов ашты. Ол жұмыс берушілерге тығыз байланыс үшін алғыс білдірді. Кәсіби мамандарды даярлау туралы «Юриспруденция» кафедрасының меңгерушісі Н.Баранова хабарлады. Оның айтуы бойынша, бүгін заңгерлерге деген сұраныс аз болса да, өз мамандықтарын жетік меңгеретін мамандар көп емес.
Ішкі істер органдарына кадрларды таңдап алудың жаңа механизмі әзірленген. Бүгінгі күні қала ІІБ-де СҚМУ-дың 80-нен астам түлектері қызмет етеді, — деді Петропавл қ. ІІБ бастығының орынбасары А. Дедов.
Іс-шара үстінде нотариус, прокурорлар, адвокаттар, сот орындаушыларына қойылатын талаптар туралы баяндамалар жасалды. Студенттер болашақта жұмысқа орналасу жайындағы мәселелерді көтерген болатын. Ал мемлекеттік мекемелердің өкілдері білікті мамандарға сұраныс тудыратындығын білдірді.
