Мұндай акцияны М. Қозыбаев атындағы СҚМУ студенттері болып табылатын, "Нұр Отан" партиясының "Болашақ" филиалының, волонтерлер мектептері, "Жас Отан" ЖҚ мен "Жасыл Ел" бағдарламасының белсенділері ұйымдастырды.
Жастар мен белсенді балаларға арналған сенбілік – бұл ізгі дәстүр. Жастарға ҰОС ардагерлерінің ескерткіші маңын жинастыру әлеуметтік желілердегі петропавлдықтардың қалдырған шағымдары себеп болды. Аталмыш іс-шара арқылы олар жұртшылықтың назарын қаламыздың ластану мәселесіне аудартқылары келді.
Тордың астында жиналған қоқысты жинау үшін студенттерге күштерін салып, темір құрылманы көтеруге тура келді. Ескерткіш аумағын да чипсілер, салфеткілер, шекілдеуік қабықтары мен жапырақтардан тазартты.
"Жасыл Ел" облыстық штабының жетекшісі Асқар Баймұқанов Петропавл қаласының муниципалды телерадиоканалына берген сұхбатында былай деді:
— Біз бұл жерді тазалауға шештік. Өкінішке орай, қоғамда ҰОС ардагерлері мен сонда қаза тапқан жандарды құрметтемейтін адамдар бар. Біз өз жұмысымызбен Ұлы Жеңіс есімізде екенін көрсетеміз. Жастар барлық жұртшылықты тазалық сақтауға шақырады.
"Жас Отан" ЖҚ "Волонтерлер мектебі" жобасының координаторы Екатерина Старостина бұл жабайылық әрекеттерді жою үшін құқық қорғау органдарының жұмысын жандандыру қажет деп атап өтті.
Жалпы, жастар жақсы уақыт өткізіп, жағымды әсерлер алып қайтты.
