Қарашаның әр екінші бейсенбісі әлемдік жұртшылық Дүниежүзілік сапа күнін атап өтеді. Халықаралық дәстүрді қолдай отырып, М. Қозыбаев атындағы СҚМУ қарашаның 10-14 аралығында өзін-өзі айқындауға және өзін-өзі дамытуға арналған, "Өзін-өзі айқындау және дербестік - тиімді оқытудың және табысты кәсіптік әрекеттің түйіні" жалпы ұранында Сапа апталығын өткізді.
Барлық факультеттер мен Тіл және әдебиет институтында 35 аса іс-шара өткізілді: мамандарды даярлау сапасын жетілдіру, жаңа оқыту әдістемелері, бірінші курс студенттерінің бейімделу мәселелері бойынша және т.б. конференциялар, ашық сабақтар, пікірталас, куратор сағаттары, дөңгелек үстелдер; университет ғалымдарының магистранттары мен студенттерінің қатысуымен семинарлар.