2003 жылдан бері жоғары оқу орнымыз академик Манаш Қозыбаевтың атын құрметпен алып жүруде. Манаш Қабашұлының ғылымға сіңірген еңбегін еске алуға оқу ордамызға дәстүрлі «Қозыбаев оқулары» халықаралық ғылыми-тәжірибелік конференцияға келген көрнекті ғалымдар, педагогтер мен оның отбасы мүшелері жиналды.
Конференция басталар алдында университет басшылығы мен қонақтар Манаш Қозыбаев ескерткішіне гүлдер қойып, патриот, көрнекті ғалым, тарихшыға тағзым етті.
Биыл конференция «Еуразиялық кеңістікті интеграциялауда Қазақстанның рөлі» тақырыбына арналды. Пленарлық жиналысқа Солтүстік Қазақстан облысы әкімінің орынбасары Анархан Дүйсенова, РФ Президенті жанындағы Ресей халық шаруашылығы және мемлекеттік қызмет академиясының профессоры, РЖҒА вице-президенті, э.ғ.д. Анатолий Спицын, Қазақстан халқы Ассамблеясы төрағасының орынбасары, «Нұр Отан» партиясы саяси бюросының мүшесі Анатолий Башмаков және тағы басқалар қатысты. Астана, Көкшетау, Қарағанды, Мәскеу және тағы да басқа қалалардан ғалымдар баяндамаларын жолдады.
Жұмыс 7 секцияда өтті: Еуразиялық кеңістік отандық тарихына арналған секция, гуманитарлық, жаратылыстану, техникалық, физика-математикалық, экономикалық және ауыл шаруашылығы ғылымдарының секциялары.
Ұйымдастыру комитетіне барлығы 160 мақала келіп түсті. Конференция қорытындысы бойынша материалдар жинағы басып шығарылады.
