М. Қозыбаев атындағы СҚМУ-да Корей Республикасының Қазақстандағы Төтенше және Өкілетті елшісі Пэк Чу-Хен мырза мен Корей Республикасы елшілігінің екінші хатшысы Пак Чжу Йон ханым болды. Құремтті қонақтар алдымен университет ректоры Оңдасын Әшімовпен кездесті. Бұл кездесу барысында университетімізде білікті мамандарды даярлау және академиялық ұтқырлық бағдарламасы жайлы сөз қозғалды. Сонымен қатар, Корея білім беру мекемелері мен біздің оқу ордамыздың арасында тығыз байланыс орнату перспективалары туралы сұрақ талқыланды. Кездесу соңында ректор Оңдасын Әшімов пен Пэк Чу-Хен мырза екі елдің достығы ретінде сыйлықтармен алмасты.
Қазақстанның Солтүстік өңіріне алғаш рет келген қонақтар ректормен кездесуден кейін астрофизикалық обсерваторияға және тарихи құндылықтармен таныса алатын мұражайға барып қайтты. Сапар соңында қонақтар құрмет кітабында өз қолтаңбалары мен тілектерін қалдырды.
