Назарбаев Университетінің Жоғары мемлекеттік саясат мектебі мемлекеттік басқару аясында жаңа магистрлік бағдарламасының (Master in Public Administration - MPA) ашылуы туралы хабарлайды. Бағдарлама ЖМСМ стратегиялық серіктестігі - Сингапур Ұлттық университетінің Ли Куан Ю атындағы мемлекеттік саясат мектебімен бірлесіп әзірленді. МРА бағдарламасы бойынша оқу үдерісі негізгі жұмыстан үзіліссіз, жылына үш рет үш апталық модульдермен (бастапқыда – наурыз, тамыз, қараша айлары) іске асырылады. Бағдарлама үш жылдан кем емес жұмыс тәжірибесі бар, сондай-ақ, гуманитарлық, әлеуметтік, құқықтық, экономикалық ғылымдар саласында 3 жылдан төмен емес уақыт сабақ беру тәжірибесі бар мамандар үшін әзірленген. Құжаттар 2014 жылғы 1 қазан және 25 желтоқсан аралығында қабылданады. Оқу мерзімі – 2 жыл. Мемлекеттік білім беру гранттары қарастырылған. Оқу ағылшын тілінде жүргізіледі. Ағылшын тіліне қойылатын талаптар – IELTS бойынша жалпы ұпай 6.5 әр категория бойынша 6 төмен емес. Құжаттар онлайн режимінде http://admissions.nu.edu.kz сілтемесі бойынша қабылданады. Құжаттар тапсыру үдерісі жайлы толық ақпаратты http://gspp.nu.edu.kz сайтында, email: gspp_dmissions@nu.edu.kz немесе +7 7172 709149, +7 7172 709147 телефоны арқылы таба аласыздар.