Жыл сайы 9 желтоқсан Сыбайлас жемқорлыққа қарсы халықаралық күрес күні аталып өтеді. Осыған орай, Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл агенттігінің СҚО бойынша департаменті бастамасымен "Біздің міндет - халыққа қызмет" тақырыбында жастар форумы өткізілді. Оның жұмысына құқық қорғау органдарының өкілдері мен университет басшылығы қатысты.
Елбасының Қазақстан халқына жолдауында Президент пара берумен байланысты заңға қарама-қайшы іс-қимылдардың алдын алу негіз болып табылатын сыбайлас жемқорлыққа қарсы жаңа саясатына бағыт бергенін баяндама оқығандар атап кетті.
Кездесу барысында студенттер мемлекеттік қызмет пен сыбайлас жемқорлықты жою шараларына байланысты қызықтыратын сұрақтарын қойды. Барлық баяндамашылардан кейін сыбайлас жемқорлыққа қарсы туралы рөлик көрсетілді.
Жиын соңында сыбайлас жемқорлыққа қарсы жұмыстарды жетілдіру бойынша кеңестер беріліп, ұсыныстар жасалды.
