Неміс Palmarium Academic Publishing халықаралық кітап бастыратын баспада оқытушымыз, филология ғылымдарының докторы, профессор Зинаида Табакованың "Этнопоэтика. Мәдениет пен тілдер диалогы" атты кітабы жарық көрді.
Бүгінде жаһандану заманында мәдениаралық алмасу қажеттілігі маңызды орын алады. Этнопоэтика өлкетану мағынасында лингвистикалық пәндер қатарына енеді және мәдени тіл білімі, этнолингвистика, лингвопоэтика секілді бағыттар торабынан тұрады. Поэзияда бір тілдің басқа тілге әлемнің қабылдауы деңгейінде әсер етуі мейлінше көрнекі көрінеді.
Солтүстік Қазақстан облысы шығармашылық тұлғаларымен, әсіресе, ақындық шығармашылықтың дарындарымен бай. Владимир Шестериков, Александр Курлени, Бахытжан Канапьянов, Альфред Пряников секілді ақындардың өлеңдерінде орыс және қазақ мәдениеттерінің тығыз шиеленіскені байқалады. Этнопоэтикалық талдау ұстанымдарын кез келген өзара әсер етуші тілдерді зерттеуде пайдалануға болады, себебі көпұлтты мемлекетте қоғамда мәдениет пен тілдердің өзара әсер етуі әлемді танудың жаңа мүмкіндіктерін аша отыра тұлғаны өркендетеді деген ойды қолдай отыра, толеранттылық, басқа ұлт мәдениетін құрметтеу секілді қасиеттерді тарату қажеттілігі туындайды.
Бұл кітап, біріншіден, филология мамандарына, орыс тілі мен әдебиеті ұстаздарына, әдеби өлкетану жұмыстарын ұйымдастырушыларға арналған. "Этнопоэтика. Мәдениет пен тілдер диалогы" кітабына пікір жазған тұлғалар: филология ғылымдарының докторы, Шоқан Уәлиханов атындағы Көкшетау мемлекеттік университетінің профессоры Ольга Анищенко, сондай-ақ, филология ғылымдарының кандидаты, Манаш Қозыбаев атындағы Солтүстік Қазақстан мемлекеттік университетінің Орыс тілі мен әдебиеті кафедрасының доценті Лариса Бочкова.