"МАШАВ" Израиль мемлекетінің СІМ жанындағы Израиль халықаралық серіктестікті дамыту жөніндегі агенттігі UNESCO-мен бірлесіп 2015 жылғы 4 мамыр мен 4 маусым аралығында Израильде (Иерусалим) "Educational methodologies. Youth At-risk: Preventing Student Dropouts and Facilitating Reintegration" (Білім беру әдіснамасы. Жастар қауіп-қатерде: білім алушылардың оқу үдерісінен шығып қалмауының алдын алу және қайта бірлесуге мүмкіндік туғызу) тақырыбында ағылшын тілінде халықаралық оқытушы курсын өткізеді. Курс білім беру мекемелерінің жетекшілері мен оқытушыларға арналған. Курсқа қатысу үшін тиісті білім, тиісті сала бойынша кәсіби жұмыс тәжірибесі және ағылшын тілін жоғары деңгейде меңгерген болу қажет. МАШАВ бағдарламасы тұру, тамақтану, оқу ақысы, курсты өткізу кезінде сақтандыру, жұмыс бабы бойынша экскурсия мен аэропорттан келіп, аэропортқа жету шығындарын төлейді. Израильге және қайта кері ұшуды қатысушылар өздігінен жүзеге асырады. Қатысуға өтініш білдіру үлгісі мен шарттарын Израиль Мемлекеті Елшілігінің сайтынан көре аласыздар: http://embassis.gov.il/astana. Құжаттар пакетін ағылшын тілінде электронды нұсқада қарастыру үшін Астана қаласындағы Израиль Мемлекеті Елшілігінің электронды мекенжайына 2015 жылғы 18 наурыздан кеш емес жіберу қажет: mashav@astana.mfa.gov.il немесе heb-scc@astana.gov.il.