Қазіргі таңда аспан аясын зерделеуге көп көңіл бөлінуде. Біздің оқу ордамызда осы саланың мамандары, астрономдарды, даярлайды.
2004 жылы обсерватория негізінде құрылған астрофизикалық орталық орынды анықтау, қашықтықтан басқару және деректер жинаудың электронды жүйесі бар қуатты 77 сантиметрлі телескоппен, сонымен қатар, проекциялық құрылғысы бар планетариймен жабдықталған. Бұл Қазақстанда көлемі бойынша екінші, ал жоғары оқу орындары арасында мамандар даярлап, заманауи ғылыми сұрақтарды шешуге мүмкіндік беретін жалғыз астрофизикалық орталық.
Андрей Андреевич Солодовниктің жетекшілігімен ғылыми орталық жұмыс істеген жылдар ішінде 2 кандидаттық және 10 магистрлік жұмыс қорғалды. Бүгінде ғалымдарымыз Ай ресурстарын, СҚО-да көрінетін метеорлардың белсенділігін зерделеу жұмыстарын жүргізуде, сонымен қатар, күміс бұлттар бойынша зерттеулеріміздің дәстүрлі тақырыптарын әзірлеуде. Күміс бұлттар – бұл атмосфера қабатындағы ең биік бұлттар әрі сирек кездесетін табиғи құбылыс. Әлі де бұл құбылыс жайлы мәліметтер аз. Күміс бұлттардың табиғаты белгілі болмаса да, олардың мұздан тұратыны мәлім.
Орталық тұрақты түрде шетелдік әріптестермен серіктеседі, халықаралық бағдарламалар бойынша жұмыстар жүргізеді. Сонымен қатар, өңірдегі жалғыз Астрофизикалық орталықта тұрғындар үшін ағартушылық және ғылыми-көпшілік дәрістер өткізіледі.