Оқу орнымызда 45 жылдам астам қызмет атқарған Еңбек ардагері, Қазақ КСР халықтық ағарту ісінің үздігі Валентина Сергеевна Кривега 85 жылдық мерейтойын атап өтті. Қызмет атқарған жылдары Валентина Сергеевна студенттерге нақты ғылым саласы, математика бойынша білім беріп, осы ғылым саласын ұнатуға дағдыландырды. Оның түлектері біздің оқу ордамызда ғана емес, сонымен қатар алыс және жақын шетел оқу орындарында да табысты жұмыс істеуде.
Валентина Сергеевнаның отбасын педагогтар әулеті десе де болады. Оның туған әпкелері физика-математика және география факультеттерін тәмамдап, педагогикалық білім алған. Қызы да анасының жолын қуған. Бүгінгі таңда ол - Қазақстан Республикасының білім беру саласының құрметті қызметкері.
Еңбек ардагері өмірінде талай жақсы адамдармен жолыққан. "Менің жадымда олар туралы тек қана жағымды естеліктер қалды", -дейді Валентина Сергеевна. Еңбек ардагерінің оқыту саласында жұмыс істемегеніне қарамастан оның оқушылары мен әріптестері тұрақты түрде келіп, ол өмірлік және педагогикалық тәжірибесімен бөліседі. Бүгінде туған кафедрасының оқытушылары болып отырған бұрынғы оқушылары туған күнінде құшақ гүлмен және сыйлықтарымен құттықтай келіпті.
