Елбасы Нұрсұлтан Назарбаев өзінің Қазақстан халқына арнаған "Нұрлы жол - болашаққа бастар жол" атты жолдауында 2015 жыл Қазақ хандығы құрылуының 550 жылдығын атап өту жылы деп атаған болатын. Осы тарихи күнге орай университетімізде "Қазақ хандығы - қазақ мемлекеттілігінің негізі" тақырыбында Аймақтық ғылыми-практикалық конференция өткізілді. Іс-шараны университет ректоры Оңдасын Бәйкенұлы Әшімов ашты. Ол өз сөзінде былай деді: "Қазақ хандығының мерейтойын тойлау республиканың жастары мен барлық тұрғындарының бойында өз отанының тағдырына қатыстылығы сезімінің қалыптасуына көмектеседі".
Конференция жұмысында еліміздің қоғамдық бірлестіктерінің өкілдері де қатысты, олардың қатарында Ғалымжан Найманов - Астана қаласының "Байымбет" қоғамдық бірлестігінің президенті. Ол түрлі этнос өкілдерінде қазақ мемлекеттілігінің қалыптасу тарихы туралы сұрақтар болатынын, алайда қазір тарихшылар Қазақ хандығының құрылу күні туралы сеніммен айта алатындықтарын атап өтті. Бұл жерде мемлекет шекарасын нығайтып, басқа елдермен достық қарым-қатынас орнатқан Абылай хан маңызды рөл атқарады. СҚО мұрағатының директоры Сәуле Маликова ханым да бұл оймен келіседі. Ол құжаттарға сүйене отырып, Абылай ханның ел тарихындағы маңыздылығын атап өтті.
Конференция қатысушылары бұл тарихи күннің маңызы қазақ халқының өкілдеріне де, елімізде тұрып жатқан басқа да ұлт өкілдеріне зор екенін атап өтті. Деректерге сүйенсек, қазақ халқы өзінің бай тарихы, әдет-ғұрыптары мен салт-дәстүрлері, тәуелсіз егемен мемлекет құруда өте құнды тәжірибесі бар екенін байқауға болады.
Бірінші корпустың фойесінде "Қазақ хандығы ұлы бабаларымыздың тарихи мұрасы ретінде" атты кітаптар көрмесі ұйымдастырылды. Бұл көрмеде қонақтардың қазақ мемлекеттілігінің құрылуы туралы баяндайтын еңбектермен танысу мүмкіндігі болды.
