Университетіміздің сахнасында алтыншы рет өткен жылсайынғы облыстық "Таң Шолпан" вокалдық орындаушылық байқауының қатысушылары келген қонақтарды тағы бір мәрте өз өнерлерімен қуантты. Бұл байқау университетіміздің, қаламыз бен облысымыздың колледждерінің, жалпы білім беретін және музыкалық мектептердің лицейлердің жаңадан бастаушы әншілердің басын қосты.
Музыка пәндері кафедрасының меңгерушісі Галина Колесникова жыл сайын таңдап алынған шығармалардың күрделік деңгейі арта түсетінін атап кетті. Қатысушылардың сахнаға шығуы орындау сауаттылығы, көркем бейнені ұсына білу деңгейі, сахналық әдеп пен киген киімі бойынша бағаланады.
Орындаушылар жалғыз да, топпен де сахнаға шықты. Музыкалық нөмірлер қазақ, орыс, ағылшын және басқа да тілдерде, түрлі стильдерде, классикадан бастап заманауи эстрадалық музыкаларға дейін орындалды. Байқауға қатысушылар қазылар алқасын орындау шеберліктерімен де, сахналық сүйкімділіктерімен таң қалдыруға тырысты.
Қазылар алқасына қорытынды жасау қиынға соқты. Дегенмен қорытынды жасалды. Гран-при Тіл және әдебиет институтының 1 курс студенті Мөлдір Парсағанға берілді.