Ақпанның 27-сі университетіміздің №1 оқу корпусында «ҚР Конституциясы – қазіргі заманғы құқықтық феномен» атты жоғары оқу орындары аралық студенттер конференциясы өтті. Пленарлық отырыс ҚР Конституциясының 20 жылдығына орай ұйымдастырылды. Дәл сол күні көрме мен конференция секциялар бойынша жалғасын тауып, соңында қорытынды жиын өтті.
Конференция басталмас бұрын университеміздің бірінші оқу корпусының дәлізінде көрмемен ҚР Білім және ғылым минстрлігі жастар саясаты департаменті бастығының орынбасары Еркін Үйсімбаев, СҚО әкімінің орынбасары Ерлан Әукенов, өңіріміздің бас полицейі Берік Біләлов, жоғары оқу орнымыздың ректоры Оңдасын Әшімов танысты. Онда қонақтардың назарына университетіміздің студенттерінің, магистрлерінің және докторанттарының барлық бағыттағы ғылыми жобалары ұсынылды.
Содан соң келген қонақтар «Қазақстан Республикасының Конституциясы – қазіргі заманғы құқықтық феномен» атты жоғары оқу орындары аралық студенттер конференциясында бас қосты. Конференцияны жоғары оқу орнымыздың ректоры Оңдасын Бәйкенұлы ашып, ҚР Конститутциясының маңыздылығына тоқталды.
Күннің екінші жартысында конференция жұмысы секциялар бойынша жалғасты. Онда 607 мақала ұсынылды.
Конференция дәл сол күні қорытындыланды. Отырысқа еліміздің 28 жоғары оқу орнымен қоса Ресей мемлекетінің 3 университінен келген делегаттар қатысты. Конференция барысында ұйымдастырылған көрмеде техникалық, гуманитарлық, эстетикалық бағыттағы 73 ғылыми жоба қойылған. Оқу ордамыздың зерттеу жұмыстары келген қонақтардың жоғарғы бағасына ие болды. Сонымен қатар пленарлық отырысқа ұсынылған мақалалар 10 секция бойынша өткендігі айтылды. Студенттер мен магистранттар баяндамаларын қазақ, орыс, ағылшын тілдерінде оқыған. Мақалаларымен ерекшленегендерге 1, 2, 3 дәрежелі дипломдар берілді.
