2015 жылғы 26-27 наурызда Махамбет Өтемісұлы атындағы Батыс Қазақстан мемлекеттік университетінде (Орал қ.) еліміздің 15 жоғары оқу орнынан 19 команда қатысқан география бойынша VII республикалық студенттер олимпиадасы өтті. Үшінші жыл қатарымен айтулы ғылыми сайыстың жеңімпаздары болып М. Қозыбаев атындағы Солтүстік Қазақстан мемлекеттік университетінің студенттері атанып келеді, осы жолы республика бойынша ең үздік болып 5В011600 География мамандығының 3 курс студенті Назым Никифоров атанды.
Команда жетекшісі, география және экология кафедрасының доценті Сергей Пашков: "Бүгінгі таңда бейстандарттық шешімдер қабылдай алатын мамандар талап етіледі. Мұндай тұлға дамитын орта құруға арналған бағыттардың бірі - олимпиадалар өткізу. Олимпиада ерекше ойлау типін қалыптастырады деген бос сөз емес, жай ойын емес, бұл олардың болашақ өмірге деген дайындығы. Қатысушылар бейстандарттық жағдайларда шешімдер қабылдаудың ерекше құзыреттерін, машықтарын дамытады," – деп санайды.
Жыл сайын республиканың негізгі жоғары оқу орындарында студенттердің пәндік олимпиадалары өткізіледі, сол олимпиадаларда біздің студеттеріміз жеңімпаздар және жүлдегерлер атанады. Бұл М. Қозыбаев атындағы Солтүстік Қазақстан мемлекеттік университеті профессорлық-оқытушылар құрамының жұмысы сапасының және бағалауының интегралды көрсеткіші болып табылады.