Ғылым апталығы шеңберінде Ақпараттық технологиялар факультетінде "ЖОО ғылымының өзекті сұрақтары" тақырыбында студенттік ғылыми конференция өтті. Оның басты мақсаты - факультеттің бітіруші курс студенттеріне дипломдық жұмыстары үшін жүргізілген ғылыми зерттеу нәтижелері жайлы баяндап беру мүмкіндігін беру.
Ұйымдастырушылардың айтуынша, студенттердің конференция жұмысында белсенділік танытуы айтарлықтай жоғары деңгейде. 30-дан астам адам ғылыми жобалары жайлы баяндап беруге дайын болды.
Әр кафедрада студенттердің ғылыми қоғамы жұмыс істейді және зерттеулер жүргізіледі. Факультеттің бай материалдық-техникалық базасының қолданылуы студенттерге дипломдық жұмыс жазуда және кейін жұмысқа орналасу кезінде көмектеседі.