10 сәуірде Ф.М.Достоевский атындағы Омбы мемлекеттік университеті делегациясының университетіміздің әкімшілігімен және профессорлық-оқытушылар құрамымен кездесуі өтті.
Делегация келуінің басты мақсаты жоғары оқу орындары арасында білім және ғылым саласындағы ынтымақтастық туралы келісімшартқа қол қою, бірлесіп бакалаврлар, магистрлар және PhD докторларын даярлау, сондай-ақ, қос дипломды бағдарламаны іске асыру және бірлескен ғылыми зерттеулер жүргізу болды.
Бүгінгі таңда университетіміз 67 шетел және 47 Ресей Федерациясының жоғары оқу орындарымен тығыз ынтымақтастықта. Бұл келісімшарт шекаралас екі елдің жоғары оқу орындарының ынтымақтастығын одан әрі нығайта түседі.
ОмМУ ректоры Алексей Якубов оқу ордамызға ұйымдастырылған кездесу үшін өз алғысын білдірді, сонымен қатар бұл серіктестік ғылыми-педагогикалық кадрлардың біліктілігін арттыруда және академиялық ұтқырлық шеңберінде студенттермен алмасуда оң әсер ететінін атап өтті.
Аталмыш келісімшартқа қол қойылуы теңдік, өзара түсінушілік, құрметтеу және тиімджілік негізінде Қазақстан мен Ресей мемлекеттерінің жоғары оқу орындары арасындағы ынтымақтастықтың артуын және конструктивті ұзақ мерзімді серіктестік қарым-қатынасының дамуын куәландырады.