Оқу ордамызда «С.Мұқанов – әлемдік әдебиет пен мәдениеттегі жарқын тұлға» атты халықаралық ғылыми-тәжірибелік конференциясы өтті.
Жиын қазақтың әйгілі жазушысы, қоғам қайраткері, Қазақ КСР Ғылым академиясының академигі, қазақ әдебиетінің көрнекті өкілдерінің бірі - Сәбит Мұқановтың 115 жылдығына орайластырылды.
Конференция басталмас бұрын жиналғандар Сәбит Мұқановтың еңбектері қойылған көрмені тамашалауға мүмкіндік алды. Содан кейін залға жиналып, пленарлық мәжіліс өтті. Бұл бас қосуға Алматы, Астана, Көкшетау, Петропавл қалалары мен Қытай Халық республикасынан - мұражайдың, мемлекеттік мұрағаттың басшылары, жоғарғы оқу орындарының профессорлары, мектеп және университеттің оқытушылары, магистрлер және студенттер қатысты. Жиында Сәбит Мұқановтың немере інісі Ермек Мұстафинде болды.
Пленарлық мәжілісті оқу ордамыздың ректоры Оңдасын Бәйкенұлы ашты. Бұдан соң пленарлық мәжілісте С. Мұқанов жайында мол мағлұмат беретін баяндамалар оқылды. Конференциядан соң бас қосу секциялар бойынша жалғасын тапты.
