Бұл сұлулық, әсемдік және әйелдік байқау оқу ордамыздың визиталық картасына айналды. Биыл басты "Университет інжуі" лауазымына 18 қатысушы тартысқа түсті. Олар өздерінің әсемдіктерімен әрі тапқырлықтарымен қатал да шыншыл қазылар алқасының жүректерін жаулап алды. Барлық қыздар толқығандарына қарамастан сұлулықтарымен сахнаға шықты. Алайда бәрінен де үздік бір ғана адам атанады.
Байқаудың бірінші кезеңі "Визитная карточка" деп аталды. Қатысушылардың міндеті өздерін таңдаған мамандықтары тұрғысынан көрсету еді. Әрине әрбір байқауға қатысушы өздеріне деген сенімділіктері мен жеңіске жетем деген ұмтылыстарын көрсетті.
Екінші кезең ұлттық мейрамымыз - Наурызға арналды. Қыздар сахнаға ұлттық киімдерді киіп, сән салтанатпен шықты. Тартысқа түсуші қыздардың жүздерінен бірер минутқа да күлкі кетпеді, ал олардың жанкүйерлері мен көрерменнің дүркін-дүркін қол шапалақтап отыруы олардың өздеріне деген сенімділіктерін нығайта түсті.
Әсемдік байқауының үшінші "Қыз - елдің көркі" атты кезеңінде қыздар өздерінің шығармашылық қабілеттерін көрсетті. Жанды дауыспен ән айту, өлеңдер оқу, би билеу - мұның бәрі мейірімділік және әйелдік мейрамға ерекше бір түс берген еді. Қатысушылардың ұсынған көптеген өнерлері алда келе жатқан Ұлы Отан Соғысындағы Жеңістің мерейтойына арналған болатын.
Байқаудың соңғы кезеңі қыздардың әдемі кешкі көйлекпен сахнаға шығуы еді. Олар көрермендерді өздерінің әсемдіктерімен және сезімділіктерімен баурады. Барлық қыздар сондай сұлу болғаны соншалық, қазылар алқасы шешімдерін анықтай алмады. Алайда ең үздікті таңдап алу қажет. Қорыта келе, жеңімпаздар келесі номинациялар бойынша атанды:
Әрбір қатысушының ең үздік атану мүмкіндігі болды, алайда бұл құқыққа ТЭҚФ 2 курс студенті Дария Мұстафина ие болды. Дәл осы сұлу қыз көрермендерді өзінің сүйкімділігімен, мейірімділігімен баурап алып, басты "Университет інжуі 2015" лауазымының иегері атанды.
