Білім және Ғылым министрлігі тарапынан қазақ тілі мен әдебиеті пәнінің мұғалімдеріне арналған мұндай жиындар жыл сайын өткізіледі. Ондағы мақсат – жалпы білім беретін мектептерде білім сапасын арттыру. Мұндай алқалы жиын бұған дейін Көкшетау, Өскемен, Тараз қалаларында өткізіліпті. Енді, бұл жолы солтүстік өңірдегі М.Қозыбаев атындағы СҚМУ ұйымдастырылып отыр. Қазақ тілі мен әдебиеті пәнінің мұғалімдерінің басын қосқан жиынды облыс әкімінің атынан оның орынбасары Анархан Дүйсенова құттықтады. Республикалық ғылыми-практикалық конференцияның тақырыбы «Балабақша-мектеп-колледж-жоғарғы оқу орны» жүйесіндегі қазақ тілін үздіксіз деңгейлеп оқытудың жаңа моделі» деп аталды. Жиында қазақ тілін оқытудың жаңа моделі жасалығандығы айтылды. Деңгейлік оқулықтар да дайындалу үстінде. Қазақ тілі мен әдебиетін оқыту бағдарламасына елбасының «Тәуелсіздік толғауы» еңбегі енгізіліпті. Бұл отырыс сонымен қатар қазақ тілін оқытудағы өзекті мәселелерді талқылау және бір бірімен тәжірбие алмасуға мүмкіндік береді. Мұндай конференциялардың әсіресе жас оқытушыларға берері мол дейді Біржан Қойшыбаев. Айта кету керек жас ұстаз біздің университетімізді осыдан 2 жыл бұрын тамәмдапты. Республикалық ғылыми-практикалық конференцияға ҚР Білім және Ғылым министрлгінің өкілдері, Еуропалық қауыпсіздік ынтымақтастықтың сарапшылары, облыс әкмінің орынбасары, өңіріміздің білім басқармасының қызметкерлері және де еліміздің барлық дерлік аймағынан жиналған қазақ тілі және әдебиеті пәнінің мұғалімдері қатысуда. Жиында қазақ тілін деңгейлеп оқытуда оқушылардың фунционалдық сауаттылығын дамыту жайы да сөз болды. Бұл шарада біздің университетіміздің педагогтары да өз баяндамаларын оқыды.