Біздің университетіміз алыс-жақын шетелдік жоғары оқу орындарымен тығыз қарым-қатынас орнатқан. Солардың бірі - Ресей Федерациясының Қорған мемлекеттік университеті. Аталған жоғарғы оқу орнынан делегация жыл сайын оқу ордамызға келіп, ауқымды әрі мазмұнды кездесулер мен конференциялар өткізіп тұрады. Биыл да сол дәстүрден жаңылмай, Қорғандық делегация өкілдері университетіміздің орыс тілі мен әдебиеті кафедрасының оқытушылары, студенттері және Қазақстан халқы Ассамблеясы кафедрасының мүшелерімен кездесті.
Валентина Федорова - Қорған мемлекеттік университетінің профессоры, белгілі фольклор танушы, этнограф. Осы бағыттағы көптеген кітаптар мен зерттеу жұмыстарының авторы. Айта кету керек, Валентина Павловна ҚР Диссертациялық кеңесінің мүшесі болып табылады. Елімізде магистрлар мен докторанттарды дайындауға үлесін қосып жүр. Ал М. Қозыбаев атындағы СҚМУ-ға алғаш келуі екен. Жоғарғы оқу орнымыздың оқытушыларымен және студенттерімен кездесу барысында келген мейман Қазақстан мен Ресейдегі этностардың арасындағы байланыс жайында дәрісін оқыды. Бұл дәрістің берері мол екенін алға тартты.
Кездесу барысында студенттер мен оқытушылар тарапынан профессорға бірнеше сұрақтар қойылып, толық әрі мазмұнды жауаптар алынды.