2015 жылдың 29 маусым мен 4-ші шілде аралығында Қарағанды қаласынының «Болашақ» спорттық кешенінде қыздар арасында волейболдан Қазақстан Республикасының сегізінші жаздық универсиадасы өтті.
Жарысқа еліміздің жоғарғы оқу орындарының 11 командасы қатысты. Сайыстың соңғы күні құрамалар қорытынды ойын өткізді. Шешуші сында біздің оқу ордамыздың құрамасы Алматы қаласының Әл-Фараби атындағы Қазақ ұлттық университетінің командасымен тартысқа түсті. Нәтижесінде біздің студенттеріміз қарсыластарын жеңді.
Турнир барысында біздің команданың мүшелері Полина Костива, Айнұр Есентаева, Анастасия Эйникис өздерінің шеберліктерімен көзге түсті. Сөйтіп, жарыстың қорытындысы бойынша бірінші орынды М.Қозыбоаев атындағы Солтүстік Қазақстан мемлекттік университетінің ойыншылары алды, екінші орынды Әл-Фараби атындағы Қазақ мемлекеттік университетінің құрамасы еншіледі, ал үздік үшінші орынды Қазтұтынуодағы Қарағанды экономикалық университеті иеленді.
Жоғарғы оқу орнымыздың құрама командасын жеңісімен құттықтаймыз!