Күздің бірінші күні - еліміздің барлық білім беру мекемелерінде оқудың басталғандығының белгісі. Жоғарғы курс студенттері өздерінің бірінші оқу күндерін дәрісханаларда өткізсе, бірінші курс студенттері салтанатты жиналыста оқу ордамызбен танысты. Дәстүр бойынша салтанатты іс-шара университетіміздің басты ғимаратының алаңында өтті. Алдымен құттықтау сөзі университетіміздің ректоры Оңдасын БӘйкенұлы Әшімовке берілді. Ол студенттерге оқу ордамыздың қызметі мен жетістіктері, атап айтқанда, ұлттық және халықаралық рейтингтердегі жоғары нәтижелер мен ЖОО-да даярланатын кәсіби кадрлардың жақсы деңгейде екені туралы айтып өтті. Жаңа келген білім алушылардың жүздерінен күйзелісті байқауға болды, себебі бұл сәтте әрбіреуі бір эмоцияда болды десе де болады, белгісіз ұжымда қалай қабылдар екен, оқу жылдарында қандай жетістіктерге қол жеткізер екенмін деген сауалдар мазалады.
Іс-шарада ата-аналар ерекше қуанды, олар өз студенттеріне үміт артып, оларда барлығы да жақсы болатындарына сенеді. Қарапайым емес жолдың басында бастысы оларға қолдау көрсетіп, оң эмоцияға және алға қойған мақсаттарына қол жеткізуге бағыттау қажет.
Мұндай маңызды күні бірінші курс студенттері символикалық студенттер билеті мен білім кілтін алды, сондай-ақ, өмірлерінде алғаш рет университетіміздің әнұранын шырқады. Жоғары курс студенттері де бұл күнге немқұрай қарамай, ұмытылмас мерекелік нөмір дайындады: құлаққа жағымды сөздер, театрландырылған шоу, би, ән. Олар қоғам өмірін ашық жарқын етіп көрсетіп, жаңа келген студенттерді қызықтыруға барларын салды.
Биыл оқу ордамызға 1155 студент қосылды, оның 424 грант иегері атанды.