Университетімізде «Серпін – 2050» мемлекеттік бағдарламасы бойынша келген студенттерге арналған іс-шаралар жалғасуда. Бұл жолы олар өз араларында «Көшбасшы – Сардарды» сайлау қажет болды. Таңдап алынған көшбасшының міндеті жастардың азаматтық белсенділігін арттыру, салауатты өмір салтын ұстану болып табылады. Сонымен қатар осы істі жүзеге асыруға көмектесетін арнайы топ құру керек.
Бұл шара еліміздің барлық оқу ордаларында «Серпін – 2050» бағдарламасы бойынша келген жастардың арасында ғана өткізіліп жатыр. Сайлауға өз кандидатурларын ұсынған 1-ші және 2-ші курс студенттері дайындаған бағдарламаларымен таныстырған соң, олардың ішінен жастар өздері сенім артқан үміткерді таңдайды.Дауыс беру нәтижелері бойынша «Серпін – 2050» жобасының қатысушыларының «Көсбасшы – Сардары» анықталды. Ол Шынарай Жұмабекова.