Университет қабырғасында «Роль кафедр АНК в учебно-воспитательном процессе вуза и деятельности государственных, общественных организаций и этнокультурных объединений» тақырыбында ҚР жоғары оқу орындарының ҚХА кафедралары қауымдастығының ІІІ отырысы өтті .
Отырысқа келесі тұлғалар қатысты: Қазақстан халқы Ассамблеясы төрағасының орынбасары, ҚХА хатшылығының меңгерушісі Ералы Тоғжанов, Беларусь Республикасының Төтенше және Өкілетті Елшісі Анатолий Ничкасов, Н.Гумилев атындағы ЕҰУ ҚХА кафедрасының меңгерушісі Анатолий Башмаков, оқу ордамыздың ректоры академик Оңдасын Әшімов және республиканың бірқатар жоғары оқу орындарының ҚХА кафедраларының жетекшілері.
Университетіміздің ректоры О.Б.Әшімов отырысқа қатысушыларды құшақ жая қарсы ала отыра, Елбасы Н.Ә.Назарбаевтың қоғамымызда толеранттылық, ұлтаралық және конфессияаралық келісім орнату жөніндегі тапсырмасын жүзеге асыра отыра, еліміздің көптеген жоғары оқу орындарында осындай кафедралардың ашылғандығын атап кетті. Бұл кафедралар, ең алдымен, біздің жастарымыз үшін, студенттер үшін үлкен тәрбие тұрғысынан мән беруге үнделген. Бұл жұмысқа біздің университетімізде де көп мән беріледі. Мұндай кафедра Қазақстанның жоғары оқу орындарының арасында бірінші болып ашылған.
Республикалық КХА кафедралары бірлестігінің төрайымы Махаббат Қозыбаева бірлестік жасап жатқан үлкен жұмыс жайлы әңгімелеп берді. Семинар шеңберінде Қазақстанның жоғары оқу орындарының ҚХА кафедраларының меңгерушілері баяндама оқыды, СҚМУ-дың ҚХА кафедрасының ғылыми-әдістемелік бөлімінің мүшелері әдістемелік құралдарды, «Казахстанская модель этноконфессионального согласия» тақырыбындағы элективті пәнді көрсетті, университеттің ҚХА кафедрасының қызметі туралы деректі фильм көрсетілді, ЖОО бойынша экскурсия жасалды.
Оқу ордамыздың студенттері семинар жұмысына қатысып, жастар арасында ұйымшылдық және толеранттылық қасиеттерін қалыптастыратын пәнге оң баға берді.
Күннің екінші жартысында көшпелі отырыс қатысушылары этномәдени орталықтар мен ұлттық сыныптардың жұмысымен таныса алған №17 орта мектебіне экскурсия жасады, ҚХА кафедраларының мемлекеттік және қоғамдық ұйымдармен, этномәдени бірлестіктермен өзара әрекеттесу сұрағы бойынша дөңгелек үстел ұйымдастырылған Достық үйіне барып қайтты.
