20 қазанда Солтүстік Қазақстан облысының облыстық орталығына Қазақстан Республикасының Мемлекеттік хатшысы Гүлшара Әбдіқалықова келді. Мемлекеттік хатшы жұмыс сапары кезінде облыс әкімімен бірге біздің университетке де келіп қайтты. Олар "Серпін-2050" бағдарламасы бойынша білім алып жатқан студенттермен кездесті. Қонақтарды М.Қозыбаев атындағы СҚМУ ректоры Оңдасын Әшімов қарсы алды.
Мемлекеттік "Серпін-2050" бағдарламасы 2014 жылы енгізілді. Бұл бағдарламаның басты міндеті еліміздің кадрлық тапшылығы бар оңтүстік және батыс аймақтарының жастарын оқыту және жұмысқа орналастыру. Аталмыш бағдарламаны жүзеге асыру барысында университетіміз, сондай-ақ, қаламыздың колледждері педагогикалық, техникалық және ауыл шаруашылық мамандықтар бойынша 700 студент қабылдады. Кездесу ресми сипатқа ие болса да, әңгімелесу еркін сипатта өтті. Студенттер студенттік өмірлері туралы әсерлерімен және оқу орнын тәмамдағаннан кейінгі жоспарларымен бөлісті. Облыс әкімі Ерік Сұлтанов өңірде аталмыш бағдарламаның жүзеге асырылу үдерісін бақылайтынын атап кеткен жөн.
Өз баяндамасында Гүлшара Әбдіқалықова елді индустрияландыру білім беру ресурстарының жұмылдырылуын талап ететін атап өтті. Бұл үдеріс бойынша "Серпін-2050" бағдарламасы алдында сұсты міндеттер тұр, ал студенттерге көптеген үміттер жүктеледі.
"Серпін-2050" бағдарламасы - талапкерлер арасында танымал. Жоғары шәкіртақы, үймен қамтамасыз ету және кейін жұмысқа орналастыру көптеген жастарды тартуда. Егер 2014 жылы оқуға түскендер саны 138 юолса, биыл М.Қозыбаев атындағы СҚМУ студенттерінің қатарын оңтүстік аймақтардың 267 мектеп түлегі толықтырды.
"Серпiн-2050" тиімді білім беру бағдарламаларының бірі болатынына уәде береді. Болашақ мамандар алдарына қойылған міндеттерге барынша жауапкершілікпен қарайды. Студенттер өздері айтқандай: "Еліміз бізге жүктеген үміттерді ақтау үшін бар мүмкіндікті жасаймыз!"
