Университет QS Emerging Europe & Central Asia рейтингісіне енді

Tengrinews Quacquarelli Symonds британдық компаниясы құрған дамушы Еуропа және Орталық Азия елдерінің жоғары оқу орындарының рейтингісіне Қазақстанның 14 университеті енгенін хабарлайды.

Оқу ордамыз 131-140 орындарды иеленіп, осы жоғары оқу орындарының қатарына енді.

QS EECA рейтингісіне (Emerging Europe & Central Asia) барлығы 150 жоғары оқу орны қатысқан. Тізім басында М.В.Ломоносов атындағы Мәскеу мемлекеттік университеті орналасқан. Екінші орында - Ресей жоғары оқу орны, Новосібір мемлекеттік университеті. Көшбасшылар бестігіне Чех Карлов университеті, Тартур университеті мен Санкт-Петербург мемлекеттік университеті кірді.

Жоғары оқу орындарының орындары келесі тоғыз критерий бойынша орналастырылды:

• академиялық бедел;
• жұмыс берушілер арасындағы бедел;
• профессорлық-оқытушылар құрамы мен студенттердің арақатынасы;
• ПОҚ-тың жариялау белсенділігі;
• ғаламтор-ресурстарының тиімділігі;
• ғылыми дәрежесі бар ПОҚ үлесі;
• ғылыми жарияланымдардың дәйектемеленуі;
• шетел ПОҚ-ның үлесі;
• шетел студенттерінің үлесі.