22 қазанда сазды-педагогикалық факультеттің фойесі ерекше атмосфераға бөленді. Балалардың әндері, пісірілген дәмді тоқаштар мен қолдан жасалған бұйымдарға толы үстелдер. Және ең бастысы - жетім балалардың тағдырларына бей-жай қарамайтын көптеген қонақтар.
"Подари ребенку радость" қайырымдылық акциясы дәстүрге айналған. Өткен жылы СПС-12 тобының студенттері өз күштерін біріктіріп, балалар үйлерінің бүлдіршіндеріне көмектесу керек деп шешті. Бұл бастаманы басқа білім алушылар да, факультет басшылығы да қолдады.
Балаларға көмек көрсетуге өз үлесіңді қосу үшін небәрі ұсынылған заттардың ішінен бірін сатып алу керек болды. Негізінен ол нан өнімдері мен ең қажетті тамақтар еді. Бағалар белгіленбеген болатын, яғни, кез келген бағаға кез келген тауарды сатып алуға болатын.
Өткен жылы "Подари ребенку радость" қайырымдылық акциясы шеңберінде жиналған сома 42 600 теңгені құрады. Бұл ақшаға кеңсе тауарлары, ойыншықтар мен балаларға қажетті басқа да заттар сатып алынды. Студенттер тек сыйлықтармен шектеліп қана қоймай, өздері балалармен кездесуге барды.
Жәрмеңкені ұйымдастырушылардың бірі СПФ 4 курс студенті Дарья Коклемина студенттердің жәрмеңкеге деген қызығушылықтары жылдан жылға артып, өздерінің сыйлықтарымен бұдан да көп балақайларды қуантады деп үміттенеді.
Өткен жылы ерікті студенттер Полудино селосының балалар үйіне барды. Келесі сапардың мақсаты әлі таңдалған жоқ еді, ал уақыт өте келе студенттер де бұл сапардың мақсатын белгіледі, ол - балалардың көптен күткен мерекесі Жаңа жыл кезінде болмақ!