Университетте 2014-2015 оқу жылы бойынша факульттер мен кафедралар рейтингісінің қорытындысы жасалды. Оқытушылар арасында үздік оқытушы филология ғылымдарының кандидаты, "Қазақ филологиясы" кафедрасының доценті, профессоры Жанбай Тұрарұлы Қадыров атанды.
Жанбай Тұрарұлы оқу ордамызда 20 жылдан астам қызмет атқарып келеді. Шоқан Уәлиханов атындағы Көкшетау институтын тәмамдап, біздің университетке оқытушы ретінде жіберілді. Бүгінде ол "Қазақ филологиясы" кафедрасының меңгерушісі лауазымын атқарып жүр. Әріптестері мен студенттері арасында құрметке ие. Биыл ол ҚР Білім және ғылым министрлігінің "ЖОО үздік оқытушысы" республикалық байқауына қатысқалы жатыр.
Жанбай Тұрарұлы аталмыш байқау педагогтерді белсенді ғылыми-зерттеу қызметіне ынталандырады деп санайды. Үміткерлерді бағалау критерийлерінің бірі болып оқу-әідстемелік құралдардың, монографиялардың, ғылыми мақалалардың сандық және сапалық көрсеткіштері табылады. 2 жылда университетімізде бұл көрсеткіштер артты.
Жанбай Тұрарұлы аталмыш республикалық байқауға 1 монография, 9 оқу құралын, 200-ге жуық ғылыми мақала дайындады. Олардың арасында халықаралық басылымдарда жарияланғандары да бар.
Сондай-ақ, биыл бұл республикалық байқауға университетімізден педагогика ғылымдарының кандидаты, сазды-педагогикалық факультет деканы Айнагүл Николайқызы Саржанова мен техника ғылымдарының кандидаты, "Көлік және машина жасау" кафедрасының меңгерушісі Виталий Владимирович Савинкин қатысады.
Қазіргі таңда университетімізде "ЖОО үздік оқытушысы" атағының 7 иегері жұмыс істейді.
Байқау қорытындысы ағымдағы жылдың желтоқсан айында жасалады. Жеңімпаз кәсіби қызметінің дамуына бағытталған мемлекеттік грант иегері атанады.
Университетіміздің өкілдеріне ғылым саласына сәттіліктер мен табыстар тілейміз!