Көңілді және тапқырлар клубы ойындары университетіміздің студенттері арасында танымал. Себебі командалар оларға жайдары көңіл-күй мен көңілді уақыт сыйлайды. Биыл да бұл ойын шетте қалмады.
Балалар көрермендерді тек күлдіріп қана қоймай, сонымен бірге әзілдеріне бүгінгі күннің өзекті мәселелерін енгізіп, өздерінің білімді екендерін көрсетуге тырысты. Әрине бұл көрермендерді бірнеше көңілді сезімдерге бөледі. Әсіресе, бұл ойында Тіл және әдебиет институтының "7 UР" командасы әзілдерін қазақ және орыс тілдерінде көрсетумен ерекшеленді.
Көңілді және тапқырлар клубы ойыны 2 кезеңнен тұрды: бірінші кезеңде командалар үйде дайындап келген сәлемдесу нөмірлерін көрсетсе, екінші кезеңде қазылар алқасының қойған құйтырқы сұрақтарына жауап берді. Осы жолғы әзілдер тек өзекті тақырыптарда ғана емес, сондай-ақ, студенттік тақырыптарда да болды.
Жалпы, кеш жайдары және достық қалыпта өтті. Шын жүректен соғылған шапалақтар екі сағаттық ойынның тұрақты сүйемелдемесі болды. Үздік үштікке келесі командалардың енгенін атап кеткен жөн. ТжӘИ-дің "7 UР", ЖҒСФ-тың "Феникс" және ИТФ-тың "Фэмели" командасы. Командаларға жаңа жеңістер мен сәттілік тілейміз!
