Астана қаласында өткен "Аңсар" республикалық байқауында "Үздік жас ақын" аталымы бойынша Ирина Приймак жеңімпаз атанды. Мұндай жоғары атақты Петропавлдық жас ақынға қазылар алқасы мүшесінде болған Қазақстанның Жазушылар одағының мүшелері тағайындады.
Ирина өз 18 жасында әдеби әлеміне алғашқы әрі байыпты қадам жасап үлгерді. "За пределами будней" атты өлеңдер жинағы оқырмандардың кітап сөрелерінде жатыр. Қазір Ирина жақында жарық көретін екінші жинақтың атауын ойланып жүр. "Аңсар" байқауындағы жеңіс тану жолындағы тағы бір жетістік болды.
Жас автор қазылар алқасы мүшелерінің алдына өзінің бірнеше туындыларын ұсынды. Бұл - Туған жерге, Ауған соғысының ардагерлеріне, әрине махаббатқа арналған өлеңдер.
Ирина — Достоевский атындағы Омбы мемлекеттік университетінің студенті. Ал туған жері - Петропавл қаласы. Ол университетімізде Тарих, экономика және құқық факультетінде академиялық ұтқырлық бағдарламасы бойынша білім алуда.
Уфа қаласында Ұлы Отан соғысының мерейтойына арналған "70 историй к 70-летию Победы" атты әдеби жинақ басылып шығарылуға дайындалып жатыр. Бұл жинақта да Ирина Приймактың очеркі лайықты орын алды. Сондай-ақ, жас ақынның Мәскеу қаласында өткен байқаудың қорытындысы бойынша іріктелген үш туындысы "Бумажный ранет" жинағына енгізіледі.
Жас әрі дарынды ақын өз өмірін әдебиетке арнауды жоспарлауда және оның шығармашылығы өз оқырманын табады деген үмітте.