Полиция қызметкерлері студенттерді Қазақстан Республикасы Заңын сақтап, оны бұзуда төзбеушілік білдіруге шақырады. Өткен аптада Петропавл қаласы Ішкі істер департаменті мен басқармасының өкілдері оқу ордамыздың студенттерімен кездесу өткізді.
Бүгінгі таңда діни экстремизм дүниежүзілік қоғам үшін ең үлкен қауіп болып саналады. Күн артқан сайын радикалдық діни ағымдар конфессияаралық және ұлтаралық қарым-қатынастарды тұрақсыздандыруда.
Жас ұрпақ қадағалау және құқық тәртібі органдарының ерекше назарында. Себебі олар экстремистік және террорлық топтардың ықпалына тезірек беріледі. Кездесу барысында "Жамандық қалай бүркенеді" атты отандық документалды фильм көрсетілді.
Құқық бұзушылыққа "Нөлдік шыдамдылық" ұстанымын қалыптастыру құқық тәртібі органдарының басты міндеті болып табылады. Қазақстан қоғамында заңды бұзушыларға тілектес болу және әділдікке күмән келтіру жазалау шаралары орын алмауы тиіс.
Сондай-ақ, кездесуде жастарға қауіп төндіретін, қазіргі заманның басты мәселелерінің бірі нашақор тақырыбы да қарастырылды.
Құқық бұзу және қылмыс жасаудың алдын алу мақсатында полиция қызметкерлері тұрақты түрде жастармен және кәмелетке толмағандармен жеке кездесулер өткізіп, дәрістер оқып тұрады.
