Өткен аптада Манаш Қабашұлының туған күні қарсаңында дәстүрлі «Қозыбаев оқулары» ғылыми-тәжірибелік конференциясы өтті. Биыл көрнекті ғалым, қоғам қайраткері әрі нағыз патриот 84 жасқа толушы еді.
Конференция Манаш Қозыбаевтың мүсініне гүлшоқтарын салумен басталды. Кейін облыс әкімінің орынбасары Анархан Дүйсенова мен университет ректоры Оңдасын Әшімов іс-шараның қонақтарымен бірге Қазақстан тарихы мамандандырылған кабинетін ашты.
Қозыбаев оқулары – бұл ғалымдар, профессорлар мен студенттер үшін жаңалықтарымен бөлісіп, пікірталас жүргізе алатын сұхбаттасу алаңы. Университет ректоры Оңдасын Әшімов өз сөзінде аталмыш іс-шараның маңыздылығын атап өтті.
Облыс әкімі Ерік Сұлтановтың атынан оның орынбасары Анархан Дүйсенова қатысушыларды конференцияның ашылуымен құттықтады.
Манаш Қабашұлы Қозыбаев оқытушы ретінде бірнеше отандық тарихшыларды даярлады. Олардың бірі – Қайдар Алдажұманов. Тәлімгерін еске алуға келген Қайдар Алдажұманов Шоқан Уәлиханов атындағы Тарих және этнология институтының басты ғылыми қызметкері болып табылады.
Көрнекті қазақстандық ғалым, Журналистика академиясының Президенті Сағымбай Қабашұлы Қозыбаев - Манаш Қозыбаевтың інісі. Ол отандық журналистика саласында қызмет атқарады. Сондықтан конференция барысында оның «Журналистика» мамандығының студенттерімен кездесуі өтті. Ол конференция қатысушыларына Қозыбаевтар әулеті мен біздің өңіріміздің арасындағы байланыс туралы әңгімелеп берді.
«Қозыбаев оқуларының» біреуі де Манаш Қозыбаевтың жұбайысыз өтпейді. Сара Пішембайқызының айтуынша, біздің оқу ордамыз ол үшін екінші үйдей болып кеткен. Жолдасы бұл өмірден өткеннен кейін Солтүстік Қазақстан мемлекеттік университеті ғалым Манаш Қозыбаевтың есімі мен дәулетін мәңгі есте сақтау үшін көптеген нәрселер жасады.
