Наурыз мейрамы – ең ежелгі мерекелердің бірі, ол бес мың жылдан астам тойланып келеді. Дегенмен, бүгінгі күні де халық есінде сақталып, жаңа рухани мәні бар мерекеге айналып отыр.
Біздің университетте мерекеге барлық факультеттер, Тіл және әдебиет институты пен көп салалы колледж ат салысты. Проректорлар, құрылымдық бөлімшелер басшылары мен облыстық халық шығармашылығы орталығының өкілдерінен тұратын әділ қазылар алқасы ең қонақжай киіз үй иелерін таңдап алды. Іс-шараның тақырыбы – «Қазақстанның түркі тілдес халықтарының Наурыз мейрамы».
Студенттер халық салт-дәстүрлерін көрсетіп, ән айтып, би біледі. Сонымен қатар, қанат тарту, тоғызқұмалақ, бес асық ұлттық ойындарына қатысып, өз күштерін сынаған болатын. Мерекені ұйымдастырған және өткізген үшін бас жүлдені ТжӘИ жеңіп алды. Бірінші орын – ИТФ пен ЖЖФ, екінші – КСК бен АТФ, үшінші орын – ТҚФ, ДШФ мен СПФ.
Жеңімпаздар мен жеңілгендер болған жоқ, себебі «Наурыз мейрамы» жалпыхалықтық көктем, бейбітшілік және бірлік мерекесіне айналды. Бүгінгі күні ол Қазақстанның барлық көпұлтты халқы тойлайтын мереке!
