Сазды-педагогикалық факультеттің іс-шараларына қатысу бір ғанибет. Әсіресе Музыка пәндері кафедрасының іс-шаралары. Дәл осы кафедрада университеттегі ең қызықты іс-шаралар өткізіледі. Осы жолы Сапа апталығы аясында "Музыкалық білім" және "Мәдени-тынығу жұмыс" мамандықтарының білім алушылары арасында музыка бойынша олимпиада өткізілді. Байқауға қатысушыларды біздің әріптестер бағалады.
Музыка бойынша "Шеберлікке қадам" олимпиадасы екінші жыл өткізілуде. Орындаушылық шеберлікте 1-4 курс студенттері сайысқа түседі. Қатысушыларға репертуарларын таңдауда шек қойылмады, олар фольклорлы, классикалық немесе қазіргі замнағы бағыттағы әндерді таңдай алды. Нөмірлердің арасында хореографиялық қойылымдар да болды.
Байқауға студенттер өз таңдаулары бойынша жалғыздан немесе ансамблмен қатыса алды. Кейбіреулері сахналық серіктес ретінде өздерінің ұстаздарын таңдаған.
Олимпиадада мәнерлеп оқу өнері де көрсетілді. Баршаға танымал Мағжан Жұмабаевтың "Мен жастарға сенемін" атты өлеңі домбырамен сүйемелденді.
Ахмет Сейтахметов пен Тамерлан Букировтың орындауындағы "Скажите, девушки" әні қыздардың жүректерінің аттай тулауына мәжбүрледі.
Олимпиадада бірнеше жылдар бойы кәсіби дағдыларын жетілдіріп жүрген қатысушылар да болды. Музыка өнерімен жаңада танысып келе жатқан қатысушылар да өздерінің шығармашылық қабілеттерін көрсетті. Бірақ олардың әрқайсысы үшін бұл орындаушылық шеберлікке жасаған тағы ды бір қадам болып саналады.